فن استخدام الفحم في اللوحات

اسم اللوحه
"Inner Beauty"

مقاسها: 18" x 14"


الخطوه (1) :
استخدم الفنان ورق التلوين المائي واستخدم القلم الفحم للخلفيه والباقي بالرصاص ,,
في البدايه قص (فرّغ) الشكل المطلوب ( كما في الصوره ) على مايسمى ( فريسكيت فيلم ) وثبتها على الورقه وبقلم فحم ناعم رقم 3b عمل لخلفيه

وهاي صوره الخطوه الاولى




------

الخطوه (2)..

دمج الخلفيه بواسطة قطعة من لباد ( او منديل او اسفنجه ) وبدأ بعمل تأثيرات وندبات وطبقات .. الخ الخشب , وبعد ماعمل لايت او اضاءه بالممحاة استخدم قلم فحم حاد ومبري تمام لعمل شدو او ظل لعمل طبقات ورقائق الخشب ,,
وعند هذي النقطه ......
اضاف قطعتين تيب على زوايا الورقه على اساس راح نكمل رسمها بعدين .. و راح تشوفوا المفاجأه

صورة ستِب ::2



----

الخطوه(3) ...

رش الفنان الرسمه بالسبري المثبت , وازال الفريسكيت .. وبدأ بالمخمخه والحلاوه اللي بدت تبين بالخطوه هذي وهي انه بدأ يشتغل على الشكل او الموضوع تبعه ,,
طبعا بعد ماشال الفريسكيت حيكون تحتها مساحه بيضاء ابيض من بياض البيض عمل عليها تأثيرات "ورقه " بالقلم الرصاص رقم 6b وكل واحد وحرفنته ..

وبالمناسبه ::
هو استخدم (( الشامواااه )) في دمج بعض المناطق في الورقه بالفعل شي خطير وبتشوفون الصوره الدمج غير واضح الحدود اطلاقاً ..
و استخدم الممحاة المعجون لعمل الاضاءه والتجعيدات على الورق << وناسه نتايج هالخطوه ,,
والورده ايضا بنفس التكنيك ومن الغامق للفاتح وادمج و انت رايح

وتفضلوا صوره ستِب 3 ::



ونلااااااحظ صاحبنا الاول < التيب> كيف طلع شكله (الايمن منهما ) بعد ما انشال الماسك اقصد التيب الحقيقي , شال معاه كميه من الفحم اللي تحته لكن باقي شوي من الخشب باين وهذا يخليه كأنه شفاف نوعا ما .. << شفتوا المفاجأه ؟
و هنا استخدم الWolffs carbon pencils , وهي تساعد على فصل التيب عن الخشب والورقه ..
كما استخدم التورتيللون (مصنوع من الورق ) للدمج وهذي طريقة عمل التورتيللون
http://monologues.co.uk/Portraits/Tortillon.htm

-----------

الخطوه (4) ..

بدأ باضافة الفتحات على اليسار وخطوط التسطير و نفذ الفتحات بالفحم على اساس تكون نفس الخلفيه وانتبهوا لاتلطخ اللوحه مثل فناننا لأن هالمره فيه فحم بدون سبري ,,وايضا كمل تظليل الورده ورسم جذعها ..

بالنسبه للتسطير عمله بـ(القلم التعبيه a.3 <سمكها ) ويسمونه a .3 mechanical pencil حتى تكون حاده علطول ويكون سمكها واحد , و لم يستخدم المسطره بل ( French Curve ) الاقواس الفرنسيه ! حتى يكون المنظور صحيح ولأن اللاينز او السطور لازم تتبع تعرجات الورقه وانحناءتها وهذي صوره لاقواس الفرنسيه ..




وهذي صورة الخطوه (4)



صوره مقربه ولاحظوا مو كل فتحه لها نفس الظل





-------
الخطوه (5 ) والأخيرة ..

اكتمل الظل والنور في الفتحه اللي طالعه منها الورده و انتهت التشطيبات و هذا هو العمل في النهايه



صوره مقربه للتيب masking tape





انتهي